Titħabbar il-mewt tal-attur Malti Frank Tanti fl-età ta’ 72 sena

L-attur Frank Tanti miet matul il-lejl li għadda fl-età ta’ 72 sena.

Tanti, meqjus bħala attur veteran tat-teatru u fuq it-televiżjoni, kellu karriera twila fejn fost l-oħrajn ħadem diversi partijiet fi produzzjonijiet lokali bħall-film Luzzu u saħansitra fi produzzjonijiet internazzjonali.

Produzzjonijiet notevoli internazzjonali li l-attur ħadem fihom jinkludu l-films Agora, When the Pigs Have Wings, u The Devil’s Double.

Barra minn hekk ħa sehem fis-serje Queen of the South u Cargo.

It-tħabbira tal-mewt tiegħu intlaqgħet b’dieqa minn bosta żgħażagħ li ħarreġ u atturi li Frank Tanti ħadem magħhom matul iż-żmien.

Huwa kien deskritt bħala raġel ħabbrieki u ġenwin, b’talenti kbar.