Tħabbret il-mewt ta’ Tony Bezzina, il-President tat-tim tal-futbol ta’ Hibernians.
Bezzina, figura marbuta mat-tim ta’ Raħal Ġdid kien ilu President tal-klabb għal 43 sena.
Huwa miet fl-età ta’ 72 sena.
Taħt il-Presidenza tiegħu, il-klabb għamel suċċessi kbar fosthom rebħ ta’ diversi unuri.
Taħt Tony Bezzina fit-tmexxija tal-Hibs, it-tim rebaħ disa’ kampjonati Premier, sitt FA Trophies u tliet Super Cups.
Bezzina kien l-aktar persuna li dam President ta’ klabb tal-futbol f’Malta. Fl-2019 hu kien ingħata Ġieħ ir-Repubblika.
Intant fi stqarrija l-Partit Laburista sellem il-memorja ta’ Bezzina.
Il-Partit Laburista ta l-kondoljanzi tiegħu lill-qraba u dawk kollha qrib is-Sur Bezzina.
