Tħabbret il-mewt ta’ ħu l-kantanta popolari Madonna, Christopher Ciccone.
Huwa ħalla din id-dinja fl-età ta’ 63 sena wara battalja tal-kanċer.
Christopher kien l-iżgħar fost l-aħwa Ciccone.
Christopher Ciccone kien żeffien sa minn ċkunitu fejn kien għamel id-debutt tiegħu fost oħrajn fil-vidjow mużikali ta’ oħtu Madonna ‘Lucky Star’.
Fl-2008 Ciccone kien ippublika l-awto bijografija tiegħu bl-isem ‘Life with My Sister Madonna’ fejn kiteb dwar ir-relazzjoni tiegħu ma’ oħtu, dwar ir-relazzjonijiet li kellu u dwar it-tour mużikali li kellu minn żmien għal żmien ma’ Madonna.
Christopehr Ciccone kien miżżewweġ lill-attur Ingliż Ray Thacker li baqa’ miegħu sal-aħħar.
Ta’ min isemmi li Madonna ftit ġimgħat ilu tilfet lil ommha tar-rispett Joan Clare Ciccone bil-kanċer u lil ħuha l-kbir Anthony, kmieni s-sena li għaddiet.
