Titħabbar il-mewt ta’ George Muscat – Chairman ta’ Gap

Ftit tas-sigħat ilu tħabbret il-mewt tac-Chairman ta’ Gap, George Muscat.

F’messaġġ fuq Facebook, GAP Homes ddeskrivewh bħala katalist għas-settur tal-iżvilupp tal-proprjetà u kien involut ukoll fis-setturi tat-turiżmu permezz ta’ Bay Street Complex, BHotel, u Hyatt Regency.

Komplew jgħidu li George kien irrispettat ħafna minn sħabu u kien magħruf ma’ kulħadd bħala raġel ġentlom.

Fuq kollox, kien raġel tal-familja li ħalla warajh lil martu Carmen, lit-tliet uliedu, Lorraine, Adrian, u Cliona, u lill-familji tagħhom.

Temmew jgħidu li avolja George mgħadux magħna, xorta se jibqgħu jirrispettaw u jimxu fuq il-valuri tiegħu.