Ġewwa l-Kulleġġ Malti tal-Arti, ix-Xjenza u t-Teknoloġija, l-MCAST ġew organizzati numru ta’ attivitijatiet li jagħmlu parti mill-ġimgħa Ewropea għall-Ħiliet Vokazzjonali ta’ din is-sena. Din il-ġimgħa ssir bil-għan li tinkoraġġixxi lill-Istudenti ta’ kull età biex jagħżlu l-edukazzjoni u taħriġ vokazzjonali matul it-tagħlim akkademiku tagħhom.
F’attività minnhom li hija parti min din il-ġimgħa, li saret it-Tnejn li għadda, numru ta’ guidance teachers li jaħdmu fi skejjel sekondarji attendaw fil-kampus ta’ Raħal Ġdid fejn raw mill-viċin ix-xogħol li jseħħ fl-edukazzjoni u taħriġ vokazzjonali (VET). Permezz ta’ din l-attività, l-għalliema huma infurmati aktar u jkunu f’pożizzjoni aħjar biex jgħinnu lill-istudenti li jixtiequ jkomplu l-istudju tagħhom permezz ta’ dawn il-ħiliet.
F’din l-attività, dawk preżenti ġew indirizzati mill-Prinċipal għall-MCAST, Prof James Calleja, fejn saħaq li l-MCAST hija t-triq li twassal lill-istudenti għall-impjieg tagħhom u kif dawn is-suġġetti vokazzjonali jgħinu lill-istudenti biex jakkwistaw il-ħiliet li huma meħtieġa għax-xogħol fl-industrija.
Elaine Pavia, li nħatret bħala bħala l-Ambaxxatriċi Maltija għall-Ġimgħa Ewropea għall-Ħiliet Vokazzjonal, tkelmet ukoll mal-għalliema fejn spejgat kif l-edukazzjoni u taħriġ vokazzjonali għenitha tiżviluppa l-karriera professjonali tagħha. Pavia li llum tmexxi Dar Merbħa Bik, xelter għan-nisa li huma vittmi ta’ vjolenza domestika.
