Minn meta telgħet fuq it-tron lura fl-1952, ir-Reġina dejjem stenbħet bil-ħoss tal-bagpipes jindaqqu proprju għaliha. Iżda matul dawn l-aħħar ħames ġimgħat din it-tradizzjoni waqfet hekk kif ir-Reġina kienet qed tirrisjedi f’Balmoral. Ir-raġel li bħalissa kien idoqqilha, Pipe Major Scott Methven, kien mgiegħel jieqaf milli jkompli d-dmirijiet rjali tiegħu minħabba raġunijiet marbuta mal-familja.
Sors qrib il-familja rjali spjega kif ir-Reġina fehmet sew is-sitwazzjoni u qablet li Scott għandu jitlaq mix-xogħol b’mod immedjat.
Scott kien il-15-il piper li kellu dan l-irwol, dan wara 175 sena ta’ tradizzjoni li ġiet l-ewwel introdotta mill-buż-buż nanna tar-Reġina, ir-Reġina Vittorja.
