Wara jiem daqstant traġiċi, matul il-jum tas-Sibt ingħatat tislima lil tliet persuni li mietu fil-fjur ta’ ħajjithom.
L-għada tad-duluri il-familji u l-qraba tal-vittmi lkoll b’qalb maqsuma sellmu lil dawk li tant ħabbew matul ħajjithom.
Is-Sibt filgħodu, fil-Knisja ta’ Kristu Re f’Raħal Ġdid sar il-funeral lil Daryl Aloisio.
Ir-raġel ta’ sitta u tletin sena li kien jipprattika l-bodybuilding tilef il-kontroll tal-mutur tat-tip Yamaha li kien qed isuq bil-konsgwenza li kellu mpatt ma’ barrier, fi Triq il-Kosta.
Wara nofsinhar, it-tnejn fl-istess ħin, Jessica Micallef u Zack Meli ukoll ingħataw l-aħħar tislima fil-Knisja ta’ San Pawl ir-Rabat u f’dik tal-Ibraġġ rispettivament.
Xeni ta’ qsim il-qalb, fejn dawk l-aktar qrib taż-żgħażagħ inġabru fil-funeral tagħha bħala rispett lejn il-memorja tagħha.
Fil-Knisja tal-Ibraġġ, sar il-funeral ta’ Zack Meli li miet aktar kmieni dan ix-xahar f’Paceville.
