Tirriżenja l-President tal-Università ta’ Harvard fuq akkużi ta’ kkupjar

Il-President tal-Università ta’ Harvard irriżenjat wara li ffaċċjat allegazzjonijiet ta’ kkupjar, u kritika fuq kummenti li għaddiet dwar l-antisemitiżmu fl-Università.

Fl-aħħar ġimgħat, Claudine Gay affaċċjat pressjoni kbira biex tirriżenja.

F’ittra li fiha ħabbret ir-riżenja tagħha, hija qalet li huwa fl-aqwa interess tal-Università li titlaq minn dan l-irwol.

Qalet ukoll li din id-deċiżjoni kienet diffiċli ħafna, iżda r-riżenja tagħha se tippermetti lil Harvard biex tiffoka fuq l-istituzzjoni.

Hija serviet għal President għal sitt xhur, u kienet it-tieni mara, u l-ewwel ta’ karnaġġjon skur, li tkun appuntata fi rwol li tmexxi università tal-Ivy League.