Minkejja li għandha mal-ħames xhur u nofs tqala, il-plejer internazzjonali tal-Istati Uniti Sydney Leroux irritornat xorta waħda għat-taħriġ ta’ qabel l-istaġun.
Leroux, li tilgħab għat-tim ta’ Orlando Pride fl-Istati Uniti, mistennija li twelled f’Lulju li ġej.
Fuq Twitter, hija qalet li ma stennietx li se tkun qed titħarreġ f’dan l-istadju tat-tqala.
Hija saħqet li mhix qed tagħmel training li jinvolvi kuntatt iżda qed tagħmel taħriġ ħafif bil-ballun.
Qalet ukoll li mhix qed tpoġġi lilha nnifisha f’sitwazzjonijiet fejn tista’ tintlaqat.
