Wara nuqqas ta’ sentejn, minħabba l-pandemija tal-Covid-19, fir-raħal tas-Sajjieda, f’Marsaxlokk, se terġa’ tiġi organizzata Festa Ħut; festa li fiha jitfakkru t-tradizzjonijiet Maltin u Għawdxin.
F’konferenza tal-aħbarijiet ġie spjegat kif Festa Ħut se tkun qed issir tul ix-Xatt ta’ Marsaxlokk nhar il-Ħadd 11 ta’ Settembru. Is-sena 2022 taħbat ukoll is-Sena Internazzjonali tas-Sajd u l-Akwakultura Artiġjanali kif iddikjarata min-Nazzjonijiet Magħquda.
Il-Ministru Anton Refalo spjega kif din l-attività hija opportunità għad-dedikazzjoni tas-sajjieda Maltin u Għawdxin.
Min-naħa tagħha, is-Segretarju Parlamentari Alicia Bugeja Said spjegat kif is-sajd lokali huwa essenzjali għall-ekonomija, kultura u jitqies ukoll bħala sors ta’ ikel.
Preżenti għat-tnedija ta’ din l-attività kien hemm ukoll is-Sindku ta’ Marsaxlokk, Steven Grech.
