F’post fuq is-sit soċjali ta’ Facebook, Kaitlyn Byrne, irringrazzjat lill-pulizija wara li waqfitilha l-karozza viċin tal-isptar Mater Dei. Post fejn jinġema t-traffiku mhux ħażin.
Byrne waqfitilha l-karozza waqt li kienet fit-traffiku u niżlet tipprova timbotta l-karozza tagħha fix-xita. Waqt li kienet qed tagħmel dan, għaddiet karozza tal-pulizija li tefgħet mal-ġenb u l-pulizija niżlu jagħtuha l-assistenza. Dawn għinuha terġa’ tistartja l-karozza u ta’ dan, Kaitlyn esprimiet il-gratitudni tagħha lejn il-pulizija.
