Kmieni t-Tnejn filgħodu Hibernians FC ħabbru li waslu f’ftehim mal-kowċ Taljan Andrea Pisanu sabiex tintemm ir-relazzjoni ta’ bejniethom. It-telfa ta’ 2 – 1 tal-Ħadd kontra Balzan kienet l-aħħar telfa mis-serje ta’ riżultati negattivi lit-tim Pawlist ġarrab f’dawn l-aħħar ġimgħat. Filfatt din it-telfa kienet ir-raba waħda f’ħames konfronti fil-Kampjonat Premier.
Pisanu kien ħa f’idu t-tmexxija tat-tim minn Raħal Ġdid matul is-sajf tal-2022 wara li Hibernians kienu tilfu s-servizzi tal-kowċ Taljan Stefano Sanderra.
F’stqarrija Hibernians irringrazzjaw lil Pisanu tas-servizzi tiegħu u tal-professjonalita li dejjem wera tul ix-xhur li għamel immexxi lit-tim ta’ Hibernians.
Nifhmu li għal partita ta’ nhar il-Erbgħa tal-FA Trophy kontra Kerċem Ajax, l-assistent kowċ Ryan Pulis ser ikun qed jmexxi lit-tim.
