F’ħabta bejn karozza u mutur fi Triq Alfredo Cachia Zammit fiż-Żejtun għall-ħabta tal-11:30 ta’ dalgħodu, raġel u mara kellhom jiddaħħlu l-Isptar Mater Dei għall-kura, fejn instab li sofrew ġrieħi gravi.
L-aċċident involva karozza tat-tip Skoda Fabia, misjuqa minn mara ta’ 58 sena minn Ħaż-Żabbar, u mutur Yamaha, misjuq minn raġel ta’ 66 sena, li miegħu kellu mara ta’ 56 sena passiġġiera. Iż-żewġ persuni fuq il-mutur, li huma minn Bormla, ittieħdu b’żewġ ambulanzi lejn l-Isptar biex jingħataw il-kura għall-ġrieħi li sofrew.
REKLAM
SKROLLJA BIEX TKOMPLI
Aktar kmieni ONE News ħabbar li t-triq kienet ingħalqet għat-traffiku sakemm kienu għaddejjin l-investigazzjonijiet u intervjenew żewġ timijiet mediċi.
