Tilfet ħajjitha Meg, kelba tar-razza Border Collie li ġiet abbandunata fuq muntanja minn sidha waqt maltempata kbira f’Beinn Sgulaird fl-Iskozzja.
Meg, li kellha 12-il sena, indarbet u tilfet l-abbilta’ li tagħmel użu mis-saqajn ta’ wara waqt hike flimkien ma’ sidha. Bosta persuni ħarġu jfittxuha fil-muntanji, bit-tfittxija ilha għaddejja minn nhar it-Tnejn.
Sid il-kelba ġie kkritikat onlajn wara li ddeċieda li jħalliha warajh f’irjiħat qawwija, xita u borra, dan hekk kif hi kienet wisq tqila għalih biex iġorra.
Operazzjoni ta’ salvataġġ kienet ippjanata għas-Sibt iżda ġiet ikkonfermata li nstabet mejta l-Ġimgħa fuq paġna fuq Facebook.
Skont persuna li kien se jmexxi t-tfittxija, Meg instabet mejta minn sidha wara li mar lura jfittex iż-żona.
