Mara u tifel ta’ ħames snin ittieħdu l-isptar Mater Dei wara li nqalbu bil-karozza fin-Naxxar.
Il-każ seħħ għall-ħabta tal-12:00 fi Triq San Pawl fin-Naxxar meta vettura tat-tip Mercedes Benz misjuqa minn mara ta’ 65 sena min-Naxxar, u li magħha kellha tifel ta’ ħames snin, ħabtu ma’ vettura tat-tip Peugeot Bipper misjuqa minn raġel ta’ 40 sena min-Naxxar.
Fortunatament kemm il-mara u kif ukoll it-tifel ma ġarrbu ebda ġrieħi, iżda xorta waħda ttieħdu l-isptar Mater Dei b’ambulanza sabiex jingħataw trattament għall-qatgħa kbira li kellhom fuqhom.
