L-Uffiċċju tad-Deputat Prim Ministru rċieva l-konferma li l-Kulleġġ tal-Kummissjoni Ewropea għalaq proċedura ta’ ksur fil-konfront ta’ Malta. F’dan il-każ il-proċedura bdiet fl-2012 meta l-Unjoni Ewropea rċieva numru ta’ ilmenti minn ċittadini tal-Unjoni Ewropea dwar ħlasijiet differenti tat-tariffi tal-enerġija.
Il-Kummissjoni iddikjarat li ċittadini tal-Unjoni Ewropea kienu qed iħallsu tariffa domestika li kienet 30% ogħla minn dik residenzjali.
Il-Kummissjoni Ewropea kienet qalet li ċ-ċittadini Maltin kienu jieħdu tariffa residenzjali b’sempliċi karta tal-identità u dan ma kienx qed jiġri fil-każ tal-barranin.
Wara l-elezzjoni tal-2013 il-gvern beda jaħseb biex isolvi din il-problema, biex issa li ssolviet ingħalqu l-proċeduri ta’ ksur.
