Il-Centro Kulturali taċ-Ċina f’Malta (CCC) fetħet il-wirja ‘Eternal Confucius: Theme Photo Exhibition’, li tibqa’ miftuħa sal-aħħar ta’ Jannar 2025. Il-wirja tgħarraf lill-viżitaturi bl-għerf, il-filosofija, u l-influwenza globali ta’ Konfuċju, wieħed mill-aktar ħassieba u edukaturi importanti fl-istorja.
Organizzata miċ-CCC (Iċ-Ċentru Kulturali taċ-Ċina f’Malta ) flimkien mal-Uffiċċju Nazzjonali tat-Turiżmu taċ-Ċina, b’sapport min-Netwerk ta’ Entitajiet Internazzjonali ta’ Culturalink u mad-Dipartiment tal-Kultura u t-Turiżmu tal-Provinċja ta’ Shandong, il-wirja tenfasizza l-wirt dejjiemi ta’ Konfuċju. Permezz ta’ ritratti, l-esibizzjoni turi kif it-tagħlim tiegħu ħalla impatt kbir fuq iċ-ċiviltà Ċiniża u fuq il-kulturi kollha.
Il-wirja hija maqsuma f’tliet taqsimiet: l-ewwel dwar ‘Il-Ħajja u l-Ħsibijiet ta’ Konfuċju’, it-tieni dwar ‘Kultura Konfuċjana u l-Ħajja ta’ Kuljum’, u t-tielet dwar ‘L-Influwenza Globali tal-Kultura Konfuċjana’. Dawn juru l-impatt tal-filosofija tiegħu fuq il-ħajja fiċ-Ċina u l-rilevanza globali tal-prinċipji tiegħu.
Il-wirja tinkludi wkoll ritratti ta’ siti u artefatti prominenti, bħal il-Mużew ta’ Konfuċju f’Qufu, il-Fuzidong fuq il-Muntanja Ni, u l-istatwa kbira ta’ Konfuċju, li jgħinu biex juru l-ħajja u l-impatt tal-filosofija tiegħu.
Id-dħul huwa mingħajr ħlas. Għal aktar informazzjoni, ikkuntattja liċ-CCC fuq events2024ccc@gmail.com
