Mara ta’ 53 sena minn Birkirkara ndarbet gravi, wara li l-karozza li kienet riekba fiha, tal-għamla Toyota Avensis, ħabtet ma’ karozza tal-għamla Volkswagen Bora, li kienet qed tinstaq minn Taljan ta’ 45 sena.
L-inċident seħħ għall-ħabta tat-8:30 tal-bieraħ filgħaxija, fi Triq it-Torri, f’Tas-Sliema.
Il-karozza tat-tip Toyota Avensis kienet qed tinstaq minn raġel ta’ 62 minn Birkirkara.
Fuq il-post issejħet l-għajnuna ta’ tim mediku, li aktar tard ħa lill-mara l-isptar Mater Dei għal aktar kura.
L-investigazzjonijiet tal-Pulizija dwar dan l-inċident għadhom għaddejjin.
