Grupp ta’ żeffiena Maltin minn Dancel Dance Studio għadhom kemm kisbu l-ewwel post fil-Bologna Open Dance Festival li sar f’Palazzo Castenaso f’Bologna. Dancel Team taħt id-direzzjoni tal-koreografa Celaine Buhagiar kisbu l-ewwel post fost il-gruppi kollha parteċipanti kif ukoll fil-kategorija showdance biż-żifna tagħhom The Forbidden City b’tema asjatika.
Dan il-kampjonat kien organizzat minn Emporio Gabusi, kumpanija prestiġjuza taż-żfin fl-Italja. Din kienet it-tielet rebħa konsekuttiva f’dan l-istaġun.
