L-attur ta’ fama mondjali, Chadwick Boseman, magħruf sew għall-irwol tiegħu fil-film tal-Marvel bħala eroj bl-isem ta’ Black Panther, tilef il-battalja kontra l-kanċer fl-età ta’ tlieta u erbgħin sena.
Hu miet fid-dar tiegħu f’Los Angeles imdawwar minn familtu fosthom martu.
Kien lura fl-elfejn u sittax li Boseman ingħata l-aħbar li kellu kanċer fil-musrana fejn għal erba’ snin hu ġġieled din il-marda qerridija fis-skiet mingħajr ma’ ħabbarha pubblikament.
Kienu bosta segwaċi u ċelebritajiet fid-dinja ta’ Hollywood li spiċċaw ixxukkjati u imnikkta b’din l-aħbar mhux mistennija.
