Ftit tal-ħin ilu għadu kif tħabbar li l-pjattaforma soċjali TikTok tinsab impenjata tagħmel aċċessibbli mill-ġdid l-app popolari tagħha għal madwar 170 miljun persuna li jużawha fl-Istati Uniti.
Dan wara li l-President elett Donald Trump sostna li se jkun qed jestendi ż-żmien li l-pjattaforma ma tibqax aċċessibbli fl-Amerika għal disgħin ġurnata oħra.
Trump sostna wkoll li t-tħabbira uffiċjali għal dan mistennija ssir it-Tnejn wara li propju jieħu l-ġurament tal-ħatra bħala s-sebgħa u erbgħin President tal-Istati Uniti.
Dawn l-iżviluppi qed iseħħu wara l-Qorti Suprema Amerikana l-Ġimgħa kkonfermat liġi li twaqqaf l-użu tal-pjattaforma soċjali fil-kontinent Amerikan sakemm il-kumpanija bbażata fiċ-Ċina ByteDance, ma tinbiegħx sad-19 ta’ Jannar.
Il-Kap Eżekuttiv ta’ TikTok Shou Zi Chew mistenni jattendi għall-inawgurazzjoni tat-Trump propju għada filwaqt li Trump innifsu sostna li ddiskuta din is-sitwazzjoni mal-President Ċiniż Xi Jinping.
