Tikkunsmax dan il-prodott minħabba li fih tossini li jħallu effett fuq is-saħħa tal-bniedem

Id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika avża biex il-prodott Bio Organic Tortilla Chips tad-ditta Trafo ma jiġix ikkunsmat.

Dan minħabba l-possibiltà ta’  preżenza ta’ Tropane Alkaloids li huma tossini naturali li jinstabu f’ċertu speċi ta’ pjanti.

Dawn it-tossini jħallu effetti  mhux mixtieqa fuq is-saħħa tal-bniedem jistgħu jinkludu: tibdil fir-rata tat-taħbit tal-qalb, uġiegħ ta’ ras, sturdament u dardir minħabba li jkunu ġew maħsuda bla ħsieb.

Għal aktar informazzjoni, l-pubbliku jista’ jċempel lis-Servizzi tal-Ispettorat tas-Saħħa fuq numru tat-telefon – 2133 7333.