Ħarġet twissija dwar il-prodott ThermoGenic mid-Direttorat għas-Saħħa Ambjentali fi ħdan is-Sovrintendenza tas-Saħħa Pubblika. Dan id-direttorat irċieva informazzjoni dwar dan il-prodott li fih 120 kapsula u li m’għandux ikun ikkonsmat minħabba li fih l-ingredjent ġdid mhux awtorizzat ‘Octopamine’. Dan il-prodott jista’ jikkaġuna pressjoni għolja fil-ġisem.
Id-ditta li tbiegħu hija ActivLab Sport. Għal aktar informazzjoni, il-pubbliku jista’ jċempel lis-Servizzi tal-Ispettorat tas-Saħħa fuq numru tat-telefon 21337333.
