Baħri Filippin li kien fuq bastiment reġistrat f’pajjiżna ddaħħal Malta l-lejl li għadda mill-membri tal-Forzi Armati ta’ Malta. Dan wara li huwa ngidem minn ħuta velenuża.
Fi stqarrija, il-Forzi Armati ta’ Malta qalu li s-sejħa għall-għajnuna daħlet meta l-bastiment kien madwar tlettax-il mil nawtiku ‘l barra mill-kosta Maltija.
Il-baħri ddaħħal Xatt it-Tiben u ttieħed l-Isptar Mater Dei b’ambulanza.
