Mill-inqas 10 persuni mietu wara li t-tifun qawwi, Phanfone, laqat il-Filippini f’Jum il-Milied. In-numru ta’ mwiet huwa mistenni li jkompli jikber.
It-tifun beda bil-maltempati lejliet il-Milied, iżda leħaq il-qawwa tiegħu matul jum il-Milied fejn ir-riħ leħħaq il-qawwa ta’ 190 kilometri fis-siegħa kif ukoll il-maltempati leħqu ukoll diversi gżejjer fiċ-ċentru tal-Filippini. Eluf ta’ persuni spiċċaw maqbuda fil-portijiet waqt li kienu sejrin lura darhom f’jum il-Milied. Qed jiġi rrapurtat ukoll illi familja mietet mgħerrqa meta ppruvat issalva minn għargħar.
It-tifun Phanfone laqat żoni viċin ir-reġjuni li kienu milquta mit-tifun Haiyan fl-2013, meta dakinhar aktar minn 6 elef persuna kienu mietu.
