Tifla ta’ sitt snin tilfet ħajjitha wara li bouncy castle sploda f’ristorant fi Spanja u tefagħha madwar 13-il metru ‘l bogħod.
It-tifla kienet qed tilgħab fuq ġewwa tal-bouncy castle flimkien ma’ sitt itfal oħrajn f’Girona fi Spanja.
It-tifla sofriet minn ġrieħi gravi u mietet ftit tas-sigħat wara fis-sezzjoni tal-kura intensiva fi sptar fil-qrib.
Is-sitt itfal oħrajn, ta’ etajiet bejn it-tliet snin u ħdax-il sena, ukoll ġarrbu xi ġrieħi.
Tifel ta’ disa’ snin kien wieħed fost it-tlett itfal li ttieħdu l-isptar b’ħelikopter, fil-waqt li t-tifla l-oħra ta’ seba’ snin li wkoll sfat midruba, tinsab f’kundizzjoni stabbli wara li saritilha operazzjoni.
