Tifla ta’ sitt snin l-isptar wara li ġiet salvata bejn sema u ilma mill-AFM

Tifla Sirjana ta’ sitt snin ġiet salvata mill-Forzi Armati ta’ Malta waqt li kienet f’nofs ta’ baħar.

Dan wara li daħal rapport li fost it-28 migranti li ġew salvati minn bastiment Libjan, kien hemm tifla li tinsab f’qagħda kritika kawża ta’ nuqqas ta’ ilma tant li xorbot ilma baħar.

Kien minn hemm li membri mill-Forzi Armati ta’ Malta salvaw lit-tifla flimkien ma’ mara li għall-ewwel kien maħsub kienet ommha, u li wara ħareġ li kienet zijitha.

Intant is-26 ta’ migrant li ġew salvati mill-bastiment Libjan ittieħdu fuq dgħajsa tal-gwardja tal-kosta Taljana lejn Pozzallo.

It-tifla qed tingħata l-kura meħtieġa fl-Isptar Mater Dei.