Tifla ta’ erba’ snin hija t-tieni vittma ta’ inċident li seħħ il-ġimgħa l-oħra fuq bouncy castle viċin Valencia fi Spanja.
Il-kastell li jkun minfuħ bl-arja u li kien armat f’villaġġ tal-Milied, spiċċa fis-sema’ wara buffura qawwija ta’ riħ.
REKLAM
SKROLLJA BIEX TKOMPLI
Tifla ta’ tmien snin mietet minħabba l-ġrieħi li sofriet l-għada tal-inċident.
Bħalissa għaddejja investigazzjoni biex ikun determinat jekk il-bouncy castle kienx konformi mar-regoli tas-sigurtà.
Sebat itfal oħra ndarbu f’dan l-inċident.
Missier Vera, it-tifla ta’ erba’ snin, qal li ċ-ċkejkna kellha tbissima li qatt mhi se tintilef. Fuq il-midja soċjali ħabbar ukoll li l-organi tagħha se jsalvaw il-ħajja ta’ ħamest itfal oħra.
