Tifla’ ta’ 14-il sena ndarbet gravi f’inċident tat-traffiku li seħħ it-Tlieta waranofisnhar f’Birkirkara.
L-inċident seħħ għall-ħabta tas-5.40 p.m. fi Triq Dun Karm meta t-tfajla ntlaqtet minn karozza tal-għamla Toyota Townace misjuqa minn raġel ta’ 57 sena minn Birkirkara wkoll.
Ambulanza ħadet lit-tifla l-isptar Mater Dei biex tingħata l-kura. Aktar tard hija ġiet iċċertifikata li ġarrbet ġrieħi gravi.
L-investigazzjonijiet tal-pulizija għadhom għaddejjin.
