Tifla ta’ 13-il sena ndarbet gravi wara li ntlaqtet minn karozza f’Birkirkara.
Il-każ seħħ aktar kmieni llum, għall-ħabta tal-ħdax fi Triq Dun Karm, Birkirkara.
REKLAM
SKROLLJA BIEX TKOMPLI
Minn stħarriġ preliminari li sar irriżulta li tifla Slovakka ta’ 13 sena residenti San Ġwann sfat milquta minn vettura Toyota Hilux li kienet qed tinstaq minn raġel ta’ 32 sena residenti Ħ’Attard.
Il-vittma ngħatat l-assistenza minn tim mediku u ttieħdet l-Isptar Mater Dei b’ambulanza fejn ġiet ċċertifikata li qed issofri minn ġrieħi gravi.
L-investigazzjonijiet tal-Pulizija għadhom għaddejjin.
