Jemima Layzell minn Somerset għenet tmien persuni differenti wara l-mewt tagħha fl-2012. Layzell tat qalba, il-frixa, il-pulmun, il-kliewi, parti mill-kanal tal-ikel u l-fwied tagħha li minnhom ibbenefikaw madwar ħamest itfal. Normalment donazzjoni tirriżulta f’madwar tlett trapjanti u għalhekk dan qed jitqies bħala numru rekord.
Omm u missier Jemima jiddeskrivu lit-tifla tagħhom bħala tifla speċjali u unika hekk kif ftit ġimgħat qabel ma mietet kienet lesta li tkun donatur tal-organi.
Omm Jemima, Sophie, spjegat kif id-donazzjoni tal-organi tat-tifla tagħha ma kinitx deċiżjoni faċli iżda kienet deċiżjoni sodisfaċenti. Oħt Jemima, Amelia, illum tmexxi kampanja li tippromovi d-donazzjoni tal-organi.
Statistiċi juru li ħafna nies imutu jistennew trapjant ta’ organu għaliex hawn wisq nies li jirrifjutaw li jkunu donaturi. Skont NHS Blood and Transplant, is-sena l-oħra fl-Ingilterra mietu madwar 457 li jinkludi 14 –il tifel u tifla. Bħalissa hemm 6,414 persuna tistenna trapjant li minnhom 176 huma tfal.
