Tifel ta’ erba’ snin jinżamm ostaġġ fuq it-tarmac ta’ ajruport f’Hamburg

F’Hamburg qed tiżviluppa sitwazzjoni delikata hekk kif il-Pulizija qed tħabbat wiċċha ma’ sitwazzjoni fejn raġel ta’ ħamsa u tletin sena qiegħed iżomm ostaġġ tifel ta’ erba’ snin. 

Ir-raġel li hu armat għadda mis-sigurtà tal-ajruport bil-karozza bil-konsegwenza li waqaf fuq it-tarmac tal-ajruport fejn ipparkja l-karozza taħt ajruplan. 

Għalhekk s’issa għadu mhux magħruf x’wassal eżatt għal dan l-inċident il-Pulizija temmen li r-raġuni warajha hija minħabba kustodja. 

Fid-dawl ta’ dan kollu, it-titjiriet minn u lejn l-ajruport ta’ Hamburg ġew sospiżi b’mod indefenit. 

Ritratt: EPA-EFE/REX/SHUTTERSTOCK