Tifel ta’ tnax-il sena weġġa’ gravi wara li dalgħodu kien involut f’aċċident stradali f’Bormla.
Il-każ seħħ għall-ħabta tat-tmienja neqsin kwart ta’ dalgħodu fi Triq l-Oratorju, meta t-tifel intlaqat minn karozza tat-tip Toyota Vitz li kienet qed tinstaq minn żagħżugħ ta’ wieħed u għoxrin sena minn Bormla.
REKLAM
SKROLLJA BIEX TKOMPLI
Huwa ngħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li weġġa’ gravi.
L-investigazzjoni tal-Pulizija dwar dan l-inċident għadha għaddejja.
