Tifel ta’ ħames snin miet wara li waqa’ minn tieqa mid-disa’ sular ta’ lukanda jiem biss wara li ħarab mit-Taliban fl-Afganistan.
Il-każ seħħ fil-belt Ingliża ta’ Sheffield.
Qed jiġi rrapportat li t-tifel wasal f’Sheffield ma’ familtu erbat ijiem biss qabel l-inċident traġiku.
Fi stqarrija l-pulizija Metropolitana spjegat li l-familja taċ-ċkejken qed tiġi megħjuna minn uffiċjali speċjalizzati.
Il-Gvern Ingliż qed juża l-lukandi bħala akkomodazzjoni biex jgħin u jagħti appoġġ lil dawk qed jiġu rilokati mill-Afghanistan.
