‘Tiċċaqla hi, tiċċaqla Malta’ hija frażi popolari fost il-Bormliżi li turi li l-Kunċizzjoni dejjem kienet u għadha tiġbed ħafna nies fil-festa tagħha.
Ninsabu biss 15-il jum bogħod mit-8 ta’ Diċembru u fost il-Bormliżi diġà jkun ilu jinħass spirtu differenti li dan juri l-imħabba li teżisti lejn il-Madonna.
Dan ir-ritratt juri l-istawta tal-Kunċizzjoni meta ttieħdet b’purċissjoni minn Birkirkara lura lejn Bormla, fejn kienet ittieħdet għall-protezzjoni mill-bombi tal-gwerra li fuq il-Kottonera kienu b’abbundanza.
