Tibda tingħata wiċċ ġdid parti mill-flyover tal-Marsa wara li l-Ġimgħa nxtered 200 litru żejt tal-ikel

Is-Sibt filgħodu mal-ewwel bdiet il-ħidma biex 300 metru mill-flyover tal-Marsa tingħata wiċċ ġdid.

Dan wara li inċident il-Ġimgħa filgħodu wassal biex jinxtered mal-200 litru żejt tal-ikel fit-triq b’riżultat li din kellha tingħalaq għat-traffiku.

Iż-żejt inxtered  fuq il-flyover li tagħti lejn minn Triq Garibaldi għal Triq Aldo Moro.

Il-ħidma bdiet il-ħabta tas-sagħtejn ta’ filgħodu, bdewix-xogħlijiet ta’ tneħħija u tqegħid ta’ asphalt ġdid.

It-triq se tkun magħluqa għaliex mhix sigura, u l-ħsieb huwa li l-korsija tirritorna għas-sewwieqa għada tard waranofsinhar.