Nirien li qed jinfirxu malajr sfurzaw l-evakwazzjoni ta’ madwar 82,000 f’San Bernardino County, fil-Lvant ta’ Los Angeles.
In-nar beda t-Tlieta f’passaġġ tal-muntanja u li diġa ħakem 54,000 tomna t’ art. Eluf ta’ djar jinsabu f’riskju ta’ dak imsejjaħ Bluecut fire, filwaqt li kien iddikjarat stat t’ emerġenza.
Nar ieħor, imsemmi Clayton, li beda s-Sibt fit-tramuntana ta’ Kalifornja, qered 175 dar. Kollox jindika li dan tqabbad apposta minn raġel li qabel kien ħaddiem tat-tifi tan-nar, u li issa ġie arrestat.
