Ħalliet din id-dinja omm Alfred Sant. Josephine Sant, neé Mizzi, mietet ftit tal-ħin ilu fl-età ta’ 96 sena, wara żmien li fih issieltet mal-ħajja.
Hija kienet rikoverata fir-residenza San Vinċenz de Paul.
Omm Sant hija persuna li ma kinitx tħobb id-dehriet pubbliċi b’waħda mill-ftit, jekk mhux l-uniku, tkun meta f’Jannar 2008 Alfred Sant irritorna fit-tmun tal-partit wara ġimgħat nieqes minħabba kura li kien qed jieħu.
Dakinhar fis-sala taċ-Ċentru Nazzjonali Laburista kien hemm emozzjonijiet kbar – mhux biss minħabba r-ritorn ta’ Sant imma anke minhabba d-dehra ta’ omm mimlija mħabba għal binha sodisfatta li ratu lura fil-post tax-xogħol – dakinhar kap tal-oppozizzjoni li ftit xhur qabel elezzjoni ġenerali ltaqa’ ma dan l-intopp ta’ saħħa.
https://www.youtube.com/watch?v=f2XuDKxC_FU
Il-Partit Laburista fi stqarrija sellem il-memorja ta’ Josephine Sant. Qal li kienet mara b’valuri sodi, ta’ eżempju u fuq kollox omm. Il-Partit Laburista bagħat il-kondoljanzi tiegħu lil familja kollha ta’ Josephine Sant f’dan il-mument ta’ dieqa.
