Tħabbru d-dati għat-tmien edizzjoni tal-Malta Comic Con: nhar is-Sibt 3 ta’ Diċembru u l-Ħadd 4 ta’ Diċembru, fl-MFCC f’Ta’ Qali.
Malta Comic Con Malta huwa l-aktar avveniment popolari fejn tidħol il-kultura pop f’Malta. Huwa avveniment li joffri l-akbar pjattaforma għall artisti Maltin biex jesponu l-ħiliet tagħhom, ibigħu kreazzjonijiet u jinteraġixxu ma’ segwaċi tagħhom. Il-preżenza kontinwa ta’ wħud mill-ismijiet ewlieni fl-industrija tal-comics tkompli tgħin biex tiżviluppa x-xena tal-comics f’Malta.
Il-Malta Comic Con Malta żviluppat reputazzjoni li hija waħda mill-aktar destinazzjonijiet eċċitanti għal min iħobb din it-tip ta’ arti u kull sena aktar nies ifittxu li jkunu parti minn dan l-avveniment.
Is-sena li għaddiet, waqt Comic Con iltqajna ma’ Tony Dyson, il-moħħ wara r-robot ta’ Star Wars R2D2. Sfortunatament, Dyson miet f’Marzu ta’ din is-sena, tliet xhur wara din l-intervista.
