Fl-aħħar ħinijiet tħabbret il-mewt ta’ Joseph C. Azzopardi li għal xi żmien kien jokkupa l-kariga ta’ Eks Segretarju tal-Għaqda Każini tal-Banda.
Bosta kienu dawk li fuq il-midja soċjali sellmu l-memorja tas-Sur Joseph C. Azzopardi u taw il-kondoljanzi lill-qraba tiegħu.
Is-Sur Azzopardi se jingħata tislima għada l-Ħadd 24 ta’ Jannar, fit-3:30 ta’ waranofsinhar fil-knisja parrokjali ta’ San Lawrenz fil-Birgu.
L-Għaqda Każini tal-Banda qed tħeġġeġ lil dawk li jmexxu l-każini madwar Malta u Għawdex biex għada jiġi osservat jum ta’ luttu billi l-bnadar li jtajru fuq il-każini jkunu mezza’asta b’turija ta’ rispett.
