Il-Pulizija bħalissa qed tinvestiga vettura li nstabet kmieni dalgħodu abbandunata fi Triq Diċembru 13 fil-Marsa b’sikkina mdaqqsa fiha.
Il-karozza tat-tip Toyota Starlit ħamra, instabet dalgħodu għall-ħabta tat-8:30 abbandunata.
Huwa mifhum li l-karozza instabet meta vettura tal-Pulizija kienet għaddejja miż-żona u nnotat karozza abbandunata fil-ġenb, bit-twieqi u bibien miftuħa. Hekk kif bdew jinspezzjonaw il-vettura, il-Pulizija sabu sikkina mdaqqsa u kif ukoll kaxxa tal-balal.
Is-sid tal-karozza bħalissa qed jiġi mfittex mill-Pulizija fejn hu mifhum li hu raġel magħruf mal-Pulizija
Il-karozza tneħħiet minn fuq il-post sabiex isir aktar stħarriġ.
