Min jaf x’kien jirrakkonta Sir Themistocles “Temi” Zammit li kieku wieħed seta’ jiltaqa’ miegħu? Zammit kien individwu eċċezzjonali u ta’ suċċess. Primarjament hu kien tabib, madanakollu huwa kien ukoll professor tal-kimika, arkeoloġist, storiku, riċerkatur u kittieb. Nhar is-Sibt li ġej, 17 ta’ Novembru, Heritage Malta qed tistieden lit-tfal biex jiltaqgħu ma’ dan il-personaġġ brillanti.
L-ewwel parti tal-attività se ssir fl-Ipoġew ta’ Ħal Saflieni, f’Raħal Ġdid. Hawnhekk it-tfal se jkunu jistgħu jsegwu l-‘audiovisual show’ tas-sit ħalli jitgħallmu aktar dwar l-artifatti li jinsabu ġoċ-ċentru tal-viżitaturi (dan l-avveniment ma jinkludix żjara ġewwa l-Ipoġew). Waqt din l-attività, il-ġenituri/kustodji se jistennew lit-tfal fir-reception area.
It-tieni parti ta’ dan l-avveniment se ssir fit-Tempji ta’ Ħal Tarxien. It-tfal, flimkien mal-ġenituri u l-kustodji, akkumpanjati minn membru ta’ Heritage Malta, se jimxu sat-tempji sabiex jipparteċipaw f’numru ta’ attivitajiet ippjanati għalihom. L-adulti huma mistennija li jakkumpanjaw lit-tfal waqt din l-attività. Wara, kulħadd jista’ jibqa’ għal xi tnaqqir ħafif li se jiġi servut.
L-attività se ssir bejn id-9:30am u s-13:00pm.
Biljetti validi għal tifel/tifla akkumpanjat/a minn adult jiswa €10. Il-biljetti jistgħu jinxtraw mis-siti u l-mużewijiet kollha ta’ Heritage Malta jew online fuq https://shop.heritagemalta.org/index.asp?eventid=493
Peress li din l-attività hija maħsuba għal 20 tifel/tifla, huwa rakkommandat li wieħed jagħmel il-booking tiegħu malajr kemm jista’ jkun ħalli ma jkunx diżappuntat.
Aktar informazzjoni tinsab fuq is-sit ta’ Heritage Malta http://www.heritagemalta.org
