Tfajla ta’ 14-il sena rrapportata nieqsa

Shazney Anne Cassar, tfajla ta’ 14-il sena, ġiet irrapportata nieqsa mill-Pulizija. Intqal li hija dehret l-aħħar fl-inħawi ta’ Ħal Qormi.

Fi stqarrija tal-Pulizija intqal li kull min għandu xi informazzjoni dwar din il-persuna, jista’ jgħaddiha lill-Pulizija, anke b’mod kunfidenzjali fuq in-numri tal-Kwartieri Ġenerali tal-Pulizija 21 224001 / 119 jew fl-eqreb Għassa tal-Pulizija.