Tfajla ta’ 25 sena min-Naxxar qed tingħata l-kura fl-Isptar Mater Dei wara li kienet involuta f’inċident tat-traffiku aktar kmieni dalgħodu.
L-inċident seħħ għall-ħabta tad-9a.m. fil-Għargħur. Jirriżulta li seħħ impatt bejn vettura tat-tip Toyota Vitz misjuqa mit-tfajla, u vettura tat-tip Vauxhall Astra misjuqa minn żagħżugħ ta’ disgħa u għoxrin sena minn San Ġwann. Fuq il-post issejħet ambulanza li ħadet lit-tfajla l-Isptar Mater Dei għall-kura.
Il-kundizzjoni tagħha għadha mhix magħrufa. L-investigazzjonijiet tal-Pulizija għadhom għaddejjin.
