Il-qawwa navali Iranjana qalet li dsatax-il baħri mietu u ħmistax oħra ndarbu wara żball li involva żewġ bastimenti Iranjani fil-Golf tal-Oman.
Jirriżulta li fregata Iranjana sparat missila waqt test li kien qed isir u din il-missila laqtet bastiment ieħor.
Hu mifhum li ż-żewġ bastimenti ma kinux ‘il bogħod wisq minn xulxin.
L-Iran ta’ spiss jagħmel testijiet militari fil-baħar.
