Il-prezz tal-bajd fl-Istati Uniti tal-Amerka żdied u dan qed iwassal biex madwar terz taċ-ċittadini jiddikjaraw li waqfu jixtru dan il-prodott essenzjali, skont studju minn Clarify Capital.
Il-prezz medju tal-bajd, li fl-2018 kien $1.49 għal kull tużżana, żdied għal $5.18 dan l-aħħar, iżda l-konsumaturi jisħqu li qed iħallsu madwar $7 kull tużżana, li jikkorrispondi għal €6.50.
Imqabbel ma’ Malta, dan hu d-doppju, ladarba l-prezz medju għal kartuna ta’ 15-il bajda f’pajjiżna hu ta’ €3.90.
Skont l-istħarriġ ta’ Clarify Capital, jirriżulta li 61% tal-konsumaturi qed jieklu ħafna inqas bajd, waqt li 44% qalu li qed jużawh inqas fil-kċina tagħhom.
Il-kawża ta’ dawn iż-żidiet fil-prezzijiet hi kkawżata mill-Bird Flu, li qed taffettwa diversi rziezet fil-pajjiż.
