Terremot ta’ qawwa 7.4 jolqot lit-Tajwan – l-akbar terremot f’25 sena  

Terremot qawwi ta’ 7.4 fuq l-iskala Richter laqat lit-Tajwan.  

Qed jiġi rrapurtat li s’issa dan it-terremot ħasad il-ħajja ta’ erba’ persuni u madwar sebgħa u ħamsin persuna sfaw midruba.  

Bħalissa għaddejja operazzjoni ta’ salvataġġ biex jinħarġu n-nies minn taħt it-terrapien minħabba li b’kawża tat-terremot ħafna bini ġġarraf.  

L-awtoritajiet qalu li t-terremot wassal biex jinħarġu twissijiet ta’ tsunami fil-gżira u anka fil-pajjiżi tal-madwar però dawk l-avviżi issa tneħħew.   

Dan it-terremot qed jiġi rreġistrat bħala l-akbar terremot fl-aħħar ħamsa u għoxrin sena fit-Tajwan.