Terremot ta’ qawwa 6.9 laqat il-kosta ta’ New Britian f’Papua New Guinea

Terremot ta’ qawwa 6.9 fuq l-iskala ritcher laqat il-kosta ta’ New Britian f’Papua New Guinea.

Iċ-ċentru tat-terremot kien madwar 194 kilometru fil-Lvant ta’ Kimbe b’fond ta’ 10 kilometri.

Papua New Guinea tinsab fiż-żona tal-oċejan Paċifiku magħrufa bħala “Iċ-Ċirku tan-Nar”, żona magħrufa għall-attività sismika frekwenti.

L-awtoritajiet kienu pronti bi twissijiet ta’ tsunami, partikolarment għar-residenti mal-kosta ta’ din il-gżira, li kienu qed jistennew mewġ għoli li jlaħħaq il-metru, u saħansitra, it-tliet metri.

Madankollu, dawn it-twissijiet ġew ikkanċellati aktar tard, filwaqt li ma kien hemm l-ebda rapport ta’ ħsarat jew xi nies feruti.