Terremot b’qawwa ta’ 7.7 jolqot iċ-ċentru ta’ Myanmar

Terremot qawwi imkejjel 7.7 laqat iċ-ċentru ta’ Myanmar fl-Asja fis-7:30 tal-Ġimgħa filgħodu ħin ta’ Malta.

Madwar tnax-il minuta wara seħħet it-tieni theżżiża b’magnitudni ta’ 6.4

Il-qawwa tat-theżżiżiet inħasset anke fil-belt kapitali tat-Tajlandja Bankok kif ukoll Yunnan fiċ-Ċina.

Min rapporti li għadhom deħlin jidher li hemm danni konsiderevoli inkluż f’binjiet storiċi. Bħalissa fuq is-siti soċjali qed jiċċirkolaw diversi filmati tal-effetti ta’ dan it-terremot.

Il-gvern tat-Tajlandja sejjaħ laqgħa ta’ emerġenza.