Partita oħra mill-aqwa għal plejer Malti Teddy Teuma ma’ Royale Union SG dan hekk kif ilbieraħ huma kienu impenjati f’partita oħra mil-fażi ta’ Championship Group.
Ilbieraħ Royale Union SG lagħbu f’darhom lill-Genk u ħarġu rebbieħa bl-iskor ta 3-0.
Il-plejer internazzjonali Malti Teddy Teuma kien involut fil-gowls kollha li offriet din l-partita. Kien Christian Burgess li fetaħ l-iskor għal Royal Union fit-tnax il-minuta, gowl li wasal minn assist ta’ Teuma.
Fit-68 minuta Teddy Teuma għamel l-iskor 2-0 minn penalty biex disgħa minuti mit-tmiem reġa’ kien Christian Burgess li għamel l-iskor 3-0 wara assist ieħor ta’ Teddy Theuma.
B’din r-rebħa Royale Union SG saħħew t-tieni post tagħhom b’44 punt, tlett punti aktar minn Genk li jinsabu fit-tielet post b’41 punt.
